سلام لبنات و عيد مبارك سعيد موقع وصفاتك تيقدم لكم أكلة ضروري تكون أيام العيد الأضحى هي الضلعة المعمرة
المقادير
الضلعةالتوابل(ملح +ابزار+ راس الحانوت +سكين جبير طري+ سكين جبير عادي +ثومة +سمن خرقوم بلدي + ضامة زعفران)
عصير الليمون
الربيع
البصل
الفواكه الجافة (برقوق ومشماش وزبيب)
طريقةالتحضير:
بالنسبة للضلعة
من بعد منفتحوها نرشو الداخل بالملح ولبزار وكامون وكيف ما بغيتو
نبداو نستفو الحشوة انا درت البرقوق فوقو المشماش فوقو الزبيب
ونخيطوها
ندوزو للشرمولة الضلعة
ملح +ابزار+ راس الحانوت +سكين جبير طري+ سكين جبير عادي +ثومة +سمن خرقوم بلدي
و زدتها ضامة ديال الزعفران يخلط الكل بقليل من الماء
تدهن بيه الضلعة مزيان نخليوها تشرب ترقيدة
نديرو الضلعة على وجهها طيب حتى تشد اللون عاد نقلبوها تكمل طيابها على خاطرها ونزيدو البصلة و الزيت مخلط و الماء اكيد
الي خليتوها فالاول تشد اللون متحتاجوش تحمروها فالفرن ولكم الإختيار
بالنسبة للتزيين
نتوما وشنو موجود عندكم اللوز أو كركاع أو أناناس
انا درت اناناس خليوه يتسقطر مزيان
وفمقلة نديرو سنيدة ونخليوها حتى تولي كراميل عاد نحطو فيها الاناناس باش يتعسل وشد شوية اللون حمر
ونقدمو الطبق حسب الرغبة وبصحتكم